مركز تحميل الصور

مركز تحميل الصور

مركز تحميل الصور

facebook



إضافة رد
 
أدوات الموضوع انواع عرض الموضوع
قديم 12-28-2012, 12:55 AM   المشاركة رقم: 1
المعلومات
الكاتب:
admin
اللقب:
كبرياء انثى
الصورة الرمزية
 
الصورة الرمزية admin

البيانات
التسجيل: Dec 2012
العضوية: 1
المشاركات: 381 [+]
بمعدل : 0.61 يوميا
اخر زياره : [+]

التوقيت

الإتصالات
الحالة:
admin غير متواجد حالياً
وسائل الإتصال:

المنتدى : مستلزمات العروسة
افتراضي تعالى اقولك تجيبى كام طقم حلل لمطبخك


ازيكم يا بنات ويا عرايس النهاردة جبتلكم اهم حاجة فى جهاز مطبخكم وهى اطقم الحلل اللى من غيرها ولا هتعرفى تطبخى ولا تعملى حاجة ودى بنسميها الحاجات التقيلة



1- اطقم الحلل


من وجهه نظري هما طقمين حلل كويسيين جدا وهيفيضو كمان عشان متعمليش زحمه في المطبخ عندك ونلاقي حلل فوق المطبخ وحلل تحت المطبخ وحلل تحت السرير ويقعدو بالسنين مركونين طب وعلي ايه كل الزحمه دي؟!!

مش شرط يكون الطقم جاي كله علي بعضه ممكن انتي تجمعي الطقم براحتك بالمقاسات اللي تحبيها

واكتر حلل عمليه ومفيده وصحيه هما :

-السيراميك :


*صحيه جدا اكتر من التيفال عشان التيفال لو اتجرح ولا اتخدش بيترمي فورا عشان ميعملش امراض مش كويسه لا قدر الله لكن السيراميك امن وتقدري تستخدميه براحتك بس برضو لازم تحافظي عليه من الخدش
*وتستخدمي معاه طقم التوزيع الخشب وتنضفيه بالليفه السفنج

*اهم الماركات وانضفها :

-بارديريني الايطاليه : ودي موجوده في مصر انا شفتها وشكلها تحفه اوي ودي انضف نوع في السيراميك

-السافلون التركي : متوفره في مصر برضو ودي نضيفه برضو وتستحمل

-الفالز التركي : ودي متوفره في مصر بس فيه ناس قالت انها مش اد كده وفيه ناس شكرت فيها


-الستاليس ستيل
:


*ودي صحيه جدا وامن الي اقصي درجه وتقدري تنضفيه بسلك المواعين الناعم افضل حاجه عشان ميتجرحش وينطفي لمعانه وتستخدمي معاه طقم التوزيع الخشب او الستاليس عادي جدا
*لو انطفي لمعانه شويه ممكن تغلي فيه ميه بخل او كربوناتو هتلاقيه رجع بيبرق زي الاول
*و اهم حاجه في الستاليس في ادوات المطبخ انه يكون 18/10 عشان ميصديش ويتحمل درجات الحراره

*اهم الماركات وانضفها :

- تمام المصريه : دا نوع طالع جديد يا بنات وانا منبهره بيه جدا ومن تجارب البنات بجد بدات احس انه ممتاز جدا واللي جابوه وجابو التركي قالو انه احسن من التركي في الشكل والخامه والتقل وكل حاجه
ودي اسعارها معقوله جداااااااا بالنسبه لخامتها بالعكس انا شيفاها ممتازه جدا ودا لينك ليها
اسعار خيالية لمستلزمات المطبخ من الاستانلس ستيل 18/10 فائق الجودة ماركة تمام



- كرموماز التركي : ودا تقيل برضو وممتاز جدا من تجارب البنات بس هو غالي حبتين
ودا لينك للاسعار بتاعته
بصفتي مهندسة : أفضل أنواع الحلل الاستانلس و التيفال وأسعارها



- المصانع الحربيه : ودي جميله وتقيله بس فيه منها درجه اولي ودرجه تانيه
الدرجه التانيه سيئه جدااااااااااا يا بنات اوعو تجيبوها بجد مش كويسه خالص وتقيله وبتتنقر بسرعه
وعامه هيا جودتها حاسه انها اختلفت عن زمان لاننا جايبين منها في البيت عندنا
ودي اسعارها متوسطه في متناول الجميع

- زهران : ودا سمعت شكاوي منه كتير منالبنات انه بيشيط الاكل ومبقاش زي الاول
عامه زهران سواء تيفال او ستاليس انا شايفه انه مش زي الاول وطلعت حاجات جودتها احسن كتير وبقي سعره عالي علي الفاضي مع انك ممكن تجيبي حاجات احسن وبنفس السعر تقريبا


دول اهم نوعين حلل في رايي واامنهم علي صحتك واكترهم عمليه

لكن الصاج والالومينيوم ارجوكي ارجوكييييييييييييي ابعدي عنهم
الصاج بيتقشر وبيصفر وبيشيط الاكل ملهوش اييييييييي تلاتين لزمه خالص غير انك بتسلقي فيه وبس وفلوسه بجد كأنك رمتيها في الارض عن تجربه شخصيه وعن تجارب بنات كتير اوي
الالومينيوم بقي دا كاااااارثه سودا بجد بينزل رصاص في الاكل وتنضيفه تهمه لوحده تفضلي تدعكي تدعكي لحد ما يبانلك صحاب
التيفال بقي هو كويس وكل حاجه بس محتاج حرص شديد في التعامل عشان لو طبقه التافلون الخارجيه اللي هيا السودا دي اتخدشت مجرد خدش بسيط المفروض الحله تترمي فورااااااااا
لانها كده بتبقي مسرطنه يعني بتجييييييييييييييب سرطان والعياذ بالله
فعالي ايه الغلب دا ؟!!

وطقم الحلل اللي علي بعضه بيبقي مكون غالبا من :

3 حلل مقاسات مختلفه
سوتيز بغطا
كزروله بغطا

وفيه بيبقي 4 حلل وكزروله زي بتاع تمام ومقاساته كبيره وحلوه
والاحسن انك تجمعي الطقم طبعا لانه بيبقي ناقص حاجات كتيره او توفقي بين طقم متجمع وشويه حاجات فرداني

طيب انتي المفروض يكون عندك ايه علي الاقل؟؟؟

- 3 حلل مقاسات مختلفه من كل نوع
يعني 3 سيراميك و3 ستاليس وتكون مقاساتهم مش ورا بعض
يعني تجيبي مثلا مقاس 16 و 20 و 24 و 26 و 28
- كسرولتين واحده سيراميك وواحد ستاليس
- 2 سوتيز واحد سيراميك وواحد ستاليس او واحد سيراميك بس حسب استخدامك انتي

ملحوظه يا بنات :

الحلل السيراميك مش سيراميك الحيطان والارضيات لا دا عامل زي التيفال بالظبط بس بدل ماده التافلون السودا متغطي بماده اسمها سيراميك وبيستحمل مش بيتكسر ولا حاجه عشان بس اللي فاكر انه اول ما هيقع هيتدشدش












توقيع : admin

كيداهم بالقوى

عرض البوم صور admin   رد مع اقتباس
قديم 12-29-2012, 02:33 PM   المشاركة رقم: 2
المعلومات
الكاتب:
فوفا
اللقب:
Senior Member

البيانات
التسجيل: Dec 2012
العضوية: 27
المشاركات: 105 [+]
بمعدل : 0.17 يوميا
اخر زياره : [+]

التوقيت

الإتصالات
الحالة:
فوفا غير متواجد حالياً
وسائل الإتصال:

كاتب الموضوع : admin المنتدى : مستلزمات العروسة
افتراضي

والله يا حبيبتى مافيش غير الالمونيوم والزنك
اصل المطبخ كان عليه هههههههههههه












عرض البوم صور فوفا   رد مع اقتباس
قديم 12-31-2012, 11:09 PM   المشاركة رقم: 3
المعلومات
الكاتب:
ام روكا
اللقب:
Member

البيانات
التسجيل: Dec 2012
العضوية: 26
المشاركات: 88 [+]
بمعدل : 0.14 يوميا
اخر زياره : [+]

التوقيت

الإتصالات
الحالة:
ام روكا غير متواجد حالياً
وسائل الإتصال:

كاتب الموضوع : admin المنتدى : مستلزمات العروسة
افتراضي

وانا كمان وحياتك وان شاء الله اكمل المطبخ بتاعى












عرض البوم صور ام روكا   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:22 PM


Powered by vBulletin® Version 3.8.7
Copyright ©2000 - 2014, vBulletin Solutions, Inc.